ЕДУКАТИВНИ ПРЕДАВАЊА ЗА ЗДРАВЈЕТО НА ВОЗРАСНИТЕ

Во просториите на Клубот на пензионери во Делчево изминатиот период успешно се реализираа едукативни предавања и работилници наменети за повозрасната популација.

Предавањата беа спроведени, во соработка со ЗД „Гоце Делчев“ Делчево, од страна на д-р Тони Георгиевски, специјалист интернист.

Предавањата беа по повод:

Недела на борба против рак

Светски ден на борба против туберкулоза

Недела на борба против срцево-садови заболувања

Присутните имаа можност да се информираат и едуцираат за:

превенција и рано препознавање на хронични заболувања

правилна исхрана и здрав начин на живот

значењето на редовните лекарски контроли

грижа за кардиоваскуларното здравје

Настанот предизвика голем интерес кај членовите на клубот, кои активно учествуваа со прашања и дискусија, придонесувајќи за една интерактивна и корисна средба.

Ваквите активности се од особена важност за унапредување на здравјето и квалитетот на живот кај повозрасната популација, како и за поттикнување на здрави навики и навремена грижа за сопственото здравје.