ОДБЕЛЕЖАН СВЕТСКИОТ ДЕН НА ПРВАТА ПОМОШ
13 Септември – Светски ден на првата помош
По повод одбележувањето на овој значаен ден, Општинската организација на Црвен крст Делчево реализираше две освежителни обуки по прва помош:
На 16.09 – за волонтерите од Клубот на млади, во природа, каде што преку практични вежби и симулации во кои беа вклучени граѓаните на општина Делчево се зајакнаа нивните вештини за дејствување во итни ситуации.
На 22.09 – за негувателите на стари и изнемоштени лица, со цел да бидат подготвени да пружат навремена и квалитетна прва помош тогаш кога е најпотребна.
Првата помош е вештина која може да спаси живот. Таа не е само знаење, туку и одговорност – да им помогнеме на најблиските и на оние околу нас кога секунда е најважна.
Со вакви обуки, заедно градиме побезбедна и похумана заедница.
